Hezkuntza orokorrean eta irakaskuntzan neutralak izan gaitezte?

  Askotan, era ezkutu (edo inkontziente) batez, eskola barruko praktika eta dinamiketan, baloreak transmititzen dira: obedientzia, ordena, puntualitatea. Eskolaren funtzioa zein da? Ikasleei edukiak heraztea edo jokamolde konkretu batzuk (adibidez. obedientzia duen langilea) produzitzea?

.................................................................................................................

Hezkuntzaren soziologiak erakusten duenez, irakaskuntza prozesu soziala da, hau da, irakaskuntzan, dimentsio didaktikoaz eta dimentsio psikologikoaz gain, dimentsio soziala ere kontsideratu behar da. Dimentsio didaktikoa edukiak transmititzeko metodoetaz, irakaskuntza metodoetaz alegia, arduratzen da. (...) Dimentsio sozialak sozializazioari, baloreen transmisioari, elkarrekintzari, desberdintasun sozialei eta eskolaren eta ingurune sozialaren arteko harremanei begiratzen die. Maiz, kuestio tekniko-didaktikoen atzean, azpian, kuestio sozialak egoten dira. Hezkuntza ez da ezagutza helarazteko prozesua soilik, ez da neutroa. 

Iturria: Hezkuntzaren Soziologia 2011-2012 - Soziologia saila - EHU - Donostiako Irakasleen Unibertsitate eskola

Goiko bi testuak ondo azaltzen dute zein izango den nire erantzuna, hala ere, nire itzetan ahalik eta hoberen azaltzen saiatuko naiz.

   Hezkuntza bat ematen denean, denok gure ikuspuntutik eta gure ideologiatik ematen dugu hezkuntza hori (curriculum ezkutua), hau da, irakasleak eduki batzuk helarazten ditu, baina helarazi hori metodologia batekin ematen du, eta nik uste bakoitzak aplikatzen duen metodologia horretan ideologia bat dagoela, kasu honetan, nire ustez, inor ez da neutroa edo ezin da neutro izan.

Hezkuntza alde batera utzita, edozein kasutan zerbaiti buruz hitz egiten duzunean, norbaiti iritzi bat ematen diozunean, gomendio bat, eta abar ikuspuntu bat dauka eta, nahiz eta, bakoitzerako objetiboa izan, ez du esan nahi objetibo denik, beste pertsona batentzako gerta daikete objetiko ez izatea ez daukalako zure ideologia berdina edo gauzak ikusteko ikuspuntu berdina. Kasu honetan uste dut ezin garela neutro izan.

   Hezkuntzara bueltatuz, desberdina da ikasle batek egoera bati buruz zure iritzia eskatzen dizunean. Ez dut uste iritzia eman behar denik, bestela aurreko testuan agertzen den egoerara bueltatuko ginateke eta hori ez da neutro izatea, nire ustez. Kasu honetan uste dut, irakasleak egoera ondo azteru behar duela eta ikaslearentzako hoberena zer den jakinda bere egoera konpontzen lagundu eta arazoa bideratzen lagundu, beti ere, bere onerako eta ikaslea kontuan hartuz.

Kultura / Hezkuntza / Gizarteratzea

Kultura
Gizakiak sortu edo aldatu duen pentsatzeko, jokatzeko eta sentitzeko era da.
Gizakiaren jarrera arautzen du eta aldi berean bere jarreran eta erabakietan eragin.

Hezkuntza
Garapen prozesua bideratzen duena eta kulturaren transmisioa da.

Gizarteratzea
Bizi zareneko kulturaren pentsakerak, jokatzeko erak eta sentimenduak izatea.


 

Zein eremutan arituko naiz? Hezkuntza formalean edo ez formalean?

Txikitatik nire buruan eduki dut "andereño" izatearen ametsa eta horaindik edukitzen jarraitzen dut, baina nire ametsa gero eta hurbilago daukat. Nire gustokoa izango litzateke hezkuntza formalean aritzea eta ideia horregatik, aurten, Donostiako irakasle eskolan matrikulatu naiz. Hau ez du esan nahi, hezkuntza ez formalean aritu ezin naizenik lehen hezkuntzako graduarekin, baina nire gustokoa hezkuntza formalean aritzea da eta horretarako ezinbestekoa dut titulua lortzea.


Nire erantzuna motz azaltzen sahiatu naiz, eremu bakoitza definitzen sahiatu gabe, baina gustatuko litzaidakete esatea hezkuntza formala eta ez formala jarri diren bi termino soilik direla, batak bestea dakarrela eta oso zaila direla bata bestearengandik bereiztea. Azken finean, biak hezkuntza dira.